Ham sayohat, ham ziyorat

Dunyo kezishdan avval, jannatmakon O‘zbekistonimizning diqqatga molik joylarini kezish, tanishish lozim. Buning uchun, ya’ni ichki turizmga ham yetarlicha e’tibor qaratilgan. O‘zbekiston Respublikasi Mustaqilligining 32 yilligi esa sayr-u sayohat qilishda eng yaxshi sabab bo‘ldi. Sana munosabati bilan Termiz shahridagi “Chegara” mahallasida istiqomat qilib kelayotgan 27 nafar keksa va nuroniy otaxon va onaxonlarimiz, nogironligi bo‘lgan fuqarolar Samarqand viloyatiga sayohatga olib ketildi.
Azim Samarqandga yo‘l olgan sayohatchilarimiz muqaddas qadamjolarni ziyorat qildilar. Qimmatli ma’lumotlar, turli rivoyatlarni tinglash bilan birga sayohatdan katta taassurot oldilar. Nuroniylar ushbu ulug‘ joylarda duoga qo‘l ochib, go‘zal, tinch diyorda yashayotganligiga shukronalik keltirdilar. Ko‘tarinki kayfiyatda dam olib, ham sayohat, ham ziyorat gashtini surdilar.