Surxondaryo viloyati hokimi boysunlik yoshlar quvonchiga sherik bo‘ldi

Date:

Surxondaryo viloyatidagi 965 ta maktabda 2023-2024-o‘quv yili boshlandi va “Birinchi qo‘ng‘iroq” tadbirlari bo‘lib o‘tdi. Viloyatdagi maktablarga jami 60 mingga yaqin bolalar 1-sinfga qabul qilinib, ularning barchasiga “Prezident sovg‘asi” yetkazib berildi.


“Birinchi qo‘ng‘iroq” tadbirlarida idora va tashkilotlarning mas’ul rahbarlari ishtirok etib, o‘quvchi-yoshlar xursandchiligiga sherik bo‘ldi. Shu munosabat bilan Surxondaryo viloyati hokimi Ulug‘bek Qosimov Boysun tumanida bo‘lib, “Pulhokim” mahallasida 620 o‘rinli, 3,2 milliard so‘mga rekonstruksiya qilingan 28-sonli maktabning yangilangan binosini foydalanishga topshirishda va “Birinchi qo‘ng‘iroq” tadbirida ishtirok etdi.
Aytish kerakki, ushbu ta’lim dargohida o‘quvchilarning quvonchi cheksiz. Yangi o‘quv yilining boshlangani bilimga chanqoq yoshlarni ruhlantirayotgan bo‘lsa, ta’lim-tarbiya olishlari uchun o‘qishni yangilangan maktabda boshlayotgani yanada quvonchli bo‘ldi. Yangi binodagi sinfxonalarda barcha shart-sharoitlar yaratilgan bo‘lib, o‘quvchilardan qunt va ishtiyoq bilan o‘qishlari talab etiladi.


Viloyat rahbari yangilangan maktabga 1-sinfga qabul qilingan 56 nafar o‘g‘il-qizga “Prezident sovg‘a”sini tantanali topshirdi. Shuningdek, maktab kutubxonasi uchun keltirilgan o‘qishli va qimmatli kitoblar jamlanmasi yigit-qizlarni kitobxonlikka qiziqtirishi aniq.

Oldingi sahifaHam sayohat, ham ziyorat
Keyingi sahifaHokim dars o‘tdi

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Cho‘lda ham ichimlik suvi…

Cho‘l hududlarida aholining ichimlik suviga bo‘lgan ehtiyojini qondirish maqsadida...

Rasmiy daromadi boʻlmasa ham krеdit beriladi

2025 yil 23 iyundan boshlab Krеdit-axborot tahliliy markazi “Alitеrnativ...

Xitoy bilan ekologik hamkorlik memorandumi imzolandi

“Eco Expo Central Asia 2025” xalqaro ko‘rgazmasi doirasida China...

Davlat xizmatchilari uchun mobil ilova yaratiladi

2025-yil 1-sеntyabrdan boshlab Oʻzbеkistonda «Davlat xizmatchisi» mobil ilovasi ishga...
KunTun
KunTun