Suhbаt аsosidа…

Yoshlarni tadbirkorlik bilan shug‘ullanishlari, kasb yoki hunar o‘rganishlari uchun kasb-hunar maktablari va texnikumlarda o‘qish imkoniyati borligining o‘zi quvonarli. Yana bir jihati, texnikumni a’lo baholarga tamomlagan yoshlarning oliygohga suhbat asosida qabul qilinishi ham aslida talaba bo‘lish yo‘lidagi birinchi qadam deyish mumkin.
Ayni paytda esa Termiz agrotexnologiyalar va innovatsion rivojlanish institutida texnikumlarni muvaffaqiyatli tamomlagan bitiruvchilarni institutning bakalavriat taʼlim yo‘nalishiga suhbat asosida o‘qishga qabul qilish jarayonlariga start berilgan. Reja asosida abituriyentlar suhbatdan o‘tkazilib, baholash mezoniga asosan qabul komissiyasi a’zolari tomonidan suhbatdan o‘tkazilayotir. Aytish joizki, imtihonni adolatli va shaffof o‘tkazilishini taʼminlash maqsadida kuzatuv kameralari oʻrnatilgan. Istagan kishi jarayonlarni jonli kuzatib, bunga amin bo‘lishi mumkin.
Ha aytgancha, Termiz agrotexnologiyalar va innovatsion rivojlanish institutiga 9 ta ta’lim yo‘nalishi bo‘yicha jami 54 nafar nomzod hujjat topshirgan.