Tomchilatib sug‘orishning afzalliklari

Tomchilatib sug‘orish texnologiyasi qishloq xo‘jaligida yangi bosqichni boshlab berdi, ya’ni suv isrofiga chek qo‘yib, unib o‘sayotgan har bir niholga suvni to‘g‘ri taqsimlab, baravj o‘sishini ta’minlab berdi. Shu sababdan ham Jarqo‘rg‘on tumani “Hamkon” hududidagi “Chashmai obi ravon” fermer xo‘jaligining 20 gektar paxta maydonida tomchilatib sug‘orish texnologiyasi tajriba-sinov tariqasida joriy etildi.
Surxondaryo viloyati hokimi Ulug‘bek Qosimov esa mas’ullar bilan ushbu paxta dalasidagi hosildorlikni ko‘zdan kechirdi. Suv tejovchi texnologiya yordamida kamxarajat va kamharakat bilan suv va o‘g‘itlarni karrasiga tejagan holda paxta yetishtirilgan ushbu maydonda an’anaviy usulda yetishtirilgan paxta unumliroq hosil bergan.
Amalga oshirilgan ishlar haqida ma’lumot berish maqsadida tashkil etilgan seminarda tomchilatib sug‘orish texnologiyalarining afzalliklari, hosildorlikni oshirishdagi ahamiyati tahlil qilindi. Qolaversa, mutaxassislar tomonidan tushuntirishlar berildi.