Noqonuniy holatlarga chek qo‘yilmoqda

Tushungan odamga bir gapning o‘zi kifoya. Tushunmaydigan, nafsini quli bo‘lganlarga esa… tabiatga zarar keltirib foyda ko‘rishni, cho‘ntagini qappaytirishni istaydiganlarni ana shunday xil odamlar deyish mumkin.
“Bobotog” davlat o‘rmon xo‘jaligining faoliyati viloyat Ekologiya boshqarmasi boshchiligidagi ishchi guruh tomonidan o‘rganilayotganda “Fayzova” o‘rmon bo‘limining 5-aylanma 6-kvartal o‘rmon fondi yer maydonida, ushbu hududga javobgar o‘rmonchi A.Jonqobilovning e’tiborsizligi oqibatida O‘zbekiston Respublikasi Qizil kitobiga kiritilgan tabiiy holda o‘sgan 830 tup (sakkiz yuz o‘ttiz) tup tojik kovrak o‘simligining shirasi 5-6 marotaba kesib olinganligi aniqlandi.
Natijada o‘simlik dunyosiga 410 million 850 ming so‘m zarar yetkazilgan. O‘tkazilgan tezkor tadbirlar davomida 10 ga yaqin chaylalar buzib tashlandi.