Sobiq mehribonlik uyi o‘rnida…

Mehribonlik uyida tarbiya topayotgan o‘g‘il-qizlar ota-onalar qaramog‘iga olinib, oilalarda tarbiya topa boshlagach, “Mehribonlik uy”lari faoliyati ham to‘xtatilganidan xabaringiz bor. Xo‘sh, butun bir “Mehribonlik uyi” foydalanilmay yotadimi degan haqli savol tug‘ilishi tabiiy. Yo‘q, albatta, Termiz shahridagi sobiq 12-sonli “Mehribonlik uyi” binolarini moslashtirish orqali 288 o‘rinli ixtisoslashtirilgan maktab internati tashkil etish uchun 6,7 milliard so‘m mablag‘ ajratildi.
Shu maqsadda Surxondaryo viloyati hokimi Ulug‘bek Qosimov ushbu binoga tashrif buyurib, qurilish ishlariga start berdi. Mavjud binolarni moslashtirish, qurilish-ta’mirlash va rekonstruktsiya ishlarini sifatli amalga oshirish, maktabda o‘quvchilarning ta’lim olishlari uchun barcha sharoitlarni yaratish bo‘yicha vazifalarni belgilab berdi.