Yozgi ta’tilni qanday o‘tkazishni, ya’ni foydali yoki bekorchilik bilanmi, har bir yoshning o‘zi biladi. Ammo, oltinsoylik 5-sinf o‘quvchisi Ruhsora Ismatova uchun bu vaqt unumli va mazmunli o‘tmoqda. Har qalay u qilayotgan ishidan mamnun. Negaki, uning “Mohir qo‘llar” to‘garagiga qatnagani qo‘l kelib, bo‘sh vaqtida yumshoq o‘yinchoqlar yasamoqda.
Buning uchun u ota-onasiga o‘yinchoq yasash uchun maxsus mato, paxta va boshqa aksesuarlarni olib bering deb xarajatga qo‘ymadi. Shunchaki, barchaning uyida topiladigan qo‘l sochiqlaridan san’at asarlari yaratishga kirishdi. Ruhsora yasagan ayiqcha-yu quyonlar ajoyib, ayniqsa, bolajonlar o‘ynashi uchun xavfsiz va qulay.
Ha aytgancha, Ruhsora o‘yinchoqlarni yasayotib, hech qanday qaychi, igna-ip ishlatmasdan tayyorlaydi.
Sohibjamol
