MUROJAAT YEChIM TOPDI

Date:

Xalq qabullari sabab aholini qiynab kelayotgan muammolar yechim topayotir. Ammo, ba’zi tanti xalqimiz vakillari qabulga borib, dardini dasturxon qilishga iymanadi. Natijada esa og‘riqlar yeng ichida qolib ketaveradi, balki gazak olib, kishini og‘ir ahvolga solib qo‘yar. Shu sababdan ham mas’ullar mahallalarda eshikma-eshik yurib, aholi xonadonlarini, yashash sharoitlarini ko‘rishmoqda, o‘rganishmoqda. Shu bilan birda dard-u tashvishiga quloq tutishayotir.
Bunday sa’y-harakatlar natijasida xalqning og‘iri yengil bo‘lib, yumushi oson kechayotgani quvonarli hol, albatta. Uzun tuman 4-sektor hududidagi “O‘zbekiston” mahallasida yashovchi Madina Rahmonova “Qizil toifa”dagi yoshlardan. Imkoniyati cheklanib qiyin ahvolda qolsa-da, ammo umidini so‘ndirgan emas. Ana shu umid unga kuch berib, 4-sektor rahbari Sh.Kasimov tomonidan viloyat Tibbiyot birlashmasiga yuborildi. Madina kerakli tekshiruvlardan o‘tganidan so‘ng, jarrohlik amaliyoti o‘tkazildi.
Hozirda bemorning ahvoli ancha yaxshi. O‘zi yura boshlagani esa o‘zi va yaqinlarini quvontirdi. Sektor rahbari va mas’ullar esa muammo hal etildi, bo‘ldi qabilida ish tutishmadi, balki, Madinaning ahvoli bilan qiziqib, uning holidan tez-tez xabar olib turishibdi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

TISU talabalari o‘qishni Turkiyada davom ettiradimi?

Chumchuq so‘ysa ham qassob so‘ysin deyishganidek, til o‘rganishda ham...

Pilla mavsumiga start berildi

Joriy yil pilla hosili uchun birinchi mavsumga start berildi....

Ijodkor yoshlar bellashdi

Ijodkor, qo‘liga qalam tutib, nasr yoki nazmda ijod qilishni...

Mehmonlar yuksak saviyada kutib olinadi

Joriy yilning 1-7-may kunlari “Boysun bahori” xalqaro festivali bo‘lib...
KunTun
KunTun