Xalqimizning huquqiy savodxonligini oshishida, muammolarini bartaraf etishda kerakli huquqiy tavsiya, maslahat berish, yo‘l-yo‘riqlarni ko‘rsatishda maslahatchi huquqshunslarning o‘rni va xizmati katta. Kuni kecha esa ana shunday bo‘lajak maslahatchi huquqshunoslarning 134 nafari Surxondaryo viloyati yuridik texnikumini tamomlab, davlat namunasidagi diplomlarini olib, ish faoliyat sari ilk odimlarini tashladilar.
Bitiruvchilarga diplomlarini topshirish marosimi yoshlarga va ularning ota-onalari, yaqinlari uchun katta xursandchilikka sabab bo‘ldi. Tadbirni texnikum direktori B.Gaffarov ochib berdi va tabrik uchun so‘zni Surxondaryo viloyat adliya boshqarmasi boshlig‘i o‘rinbosari A.Raxmatovga berdi. A.Raxmatov bitiruvchi yoshlarga kelajakda egallagan kasbi bo‘yicha yetuk kadr bo‘lib, sharaf bilan turli sohalarda faoliyat olib borishlariga muvaffaqiyat tiladi.
Qolaversa, marosimda o‘quvchilarning ota-onalari, sud va huquqni muhofaza qiluvchi organ vakillari, jumladan, Majburiy ijrosi buyrosi Surxondaryo viloyat hududiy boshqarmasi kadrlar sho‘basi inspektori M.Mamatov va boshqarma katta inspektori Q.Tursunovlar ham ishtirok etib, bitiruvchi yoshlarga egallagan kasblari bo‘yicha yuqori marralarni zabt etishlariga tilakdosh bo‘ldilar.
Albatta, yuridik texnikumini tamomlagan bu yoshlar nafaqat o‘z mutaxassisliklari bo‘yicha ishga joylashishlari mumkin, balki imtiyozli diplom sohiblari suhbat asosida oliy ta’limda o‘qishlarini davom ettirishlari ham eng yaxshi imkoniyat deyish mumkin.
Hilol
