Yurtimizning qulay iqlim sharoiti, unumdor tuprog‘idan yilda bir necha bor hosil olish imkoni borligi xalqimizning omadi desak mubolag‘a bo‘lmaydi. Mehnat bilan topilgan mablag‘ va daromad esa totli. Ayniqsa, g‘alladan bo‘shagan yer maydonlariga qayta ekin ekish maqsadida ishsiz fuqarolarga bo‘lib berish tartibining joriy etilgani esa ishsizlarning-da qo‘shimcha daromad ko‘rishlariga xizmat qilayotir.
Angor tumanining “Yuqori Tallimaron” mahallasi hududidagi g‘alladan bo‘shagan yer maydoni “Yoshlar daftari”ga kiritilgan “Qizil” toifadagi 34 nafar yoshga yoshga bo‘lib berildi. Bundan tashqari, “Ayollar daftari”ga kiritilgan xotin-qizlar va vaqtincha ishsiz bo‘lgan fuqarolarga esa jami 30 gektar yer maydoni ajratib berildi. Ayni paytda yer maydonlarini shudgorlash va ekin ekishga tayyorlash jarayoni qizg‘in tus olgan.
H.Baxtiyorova
