Suv, elektr energiyasi va gazsiz hayotimizni tasavvur qila olmaydigan holatga kelganmiz. Ammo, afsuski, hali gaz yetib bormagan hududlar ham mavjud. Shunga qaramay ular suyultirilgan gaz ballonlari bilan ta’minlanib, bu boradagi muammolari hal etib kelinayotir. Surxondaryo viloyatida 475 ming 209 ta ana shunday suyultirilgan gaz isteʼmolchisi mavjud.
Joriy yilda vohadagi isteʼmolchilar individual elektron ID-karta bilan toʻliq taʼminlanib, ular foydalanayotgan maishiy gaz ballonlarga maxsus yorliq yopishtirildi. Jarayon davom etmoqda. Natijada yetkazib berilgan suyultirilgan yoqilgʻi hisobi toʻliq avtomatlashtirilgan tartibda nazorat qilinadi. Hududlarda mavjud isteʼmolchilar haqida real maʼlumot shakllantirilib, yetkazib berilayotgan suyultirilgan gaz hajmining aniq hisobi olib boriladi.
Bugungi kunda “Hududgaz Surxondaryo” gaz taʼminoti filiali tomonidan viloyatning 40 dan ortiq olis qishloqlariga suyultirilgan gaz ballonlari yetkazib berilayotgan bo‘lib, ana shunday olis manzillardan biri “Xushxabar” qishlogʻidir. Qishloq dengiz sathidan 2500 ming metr balandlikda joylashgani bois bu yerga ilgari gaz olib kelinmagan. Yaqindan boshlab qishloq ahliga gaz ballonlari tarqatila boshlangani esa mahalliy aholining yumushini yengillatdi.
Hilol
