Saratonning davosi topildi

Date:

Saraton — bu so‘zning o‘ziyoq yo‘lning oxiri kelganini anglatgandek, insonga sovuq ter qo‘zg’aydi. Dunyoda qanchadan-qancha insonlarning bu dard bilan kurashib, oxir-oqibat taslim bo‘lgani, tibbiyotning ojizligi taqdirga tan berishdan o‘zga yo‘li yo‘qligini ko‘rsatardi. Saratonga qo‘shimcha raishda ruhiy tushkunlikning o‘ziyoq dardning kuchayishiga xizmat qilardi xolos.
Albatta, dunyo olimlarining bu boradagi ilmiy izlanish va tadqiqotlari o‘z natjasini berdi shekilli, Pensilvaniya universiteti olimlari molekulyar yo‘lni to‘sib qo‘yishga asoslangan saratonni davolashning yangi usulini topishdi.
Usul makrofaglar deb ataladigan oq qon hujayralari turiga asoslangan. Bu hujayralar viruslar, bakteriyalar va boshqa patogenlarni bartaraf etadi. Makrofaglar o‘lari bilan to‘qnashgan begona narsalarni eslab qoladi, bu esa kelgusida patogenlarga hujum qilish imkonini beradi, ya’ni immunitet shakllanadi. Ammo, immunitet hujayralari odatda saraton o‘smalari bilan kurasha olmaydi, chunki ular o‘smalarni “begona” deb bilishmaydi, ularni tananing bir qismi deb “bilishadi”.
Tadqiqotchilar makrofaglarning o‘sma hujayralarini aniqlash va ularga hujum qilishini o‘rgatish uchun hujayralar orasidagi aloqani boshqaradigan molekulyar yo‘lni o‘rganishdi. Tananing barcha “o‘z” hujayralarida aniqlangan makrofagdagi SIRP va CD47 oqsillari o‘rtasidagi o‘zaro ta’sirni o‘chirib qo‘yish xavfli o‘smalarni davolashning yangi turini yaratishga imkon berdi.
Keyingi usul Petri idishlaridagi sichqonchaning melanoma hujayralari konglomeratlarida sinovdan o‘tkazildi. Ma’lum bo‘lishicha, makrofaglar saraton hujayralari atrofida to‘planib, ularni ajratib, o‘simani asta-sekin yo‘q qilgan. Tirik sichqonlarda o‘tkazilgan tajribada molekulyar yo‘lni o‘chirib qo‘yish subyektlarning 80 foizida o‘smalarni bartaraf etdi. Bir necha hafta o‘tgach, saratonga qarshi immunoglobulin Gga nisbatan antitanachalar darajasi oshdi.
Makrofag terapiyasi saratonga qarshi vaksinani ishlab chiqishda yordam berishi kutilmoqda.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun