MIBning Surxondaryo viloyati boshqarmasiga yangi rahbar tayinlandi

Jumaniyazov Jumanazar Yavbasarovich Bosh prokuratura huzuridagi Majburiy ijro byurosining Surxondaryo viloyati boshqarmasi boshlig‘i lavozimiga tayinlandi. U 2021-yilning may oyidan buyon ushbu lavozimda ishlagan Xudoyorov Аnvar Eshmurodovichning o‘rniga kelgan.
J.Jumaniyazov 1981-yilda Xorazm viloyatida tug‘ilgan, maʼlumoti oliy, huquqshunos. Mehnat faoliyati davomida Bosh prokuratura huzuridagi departamentning Toshkent shahar, Xorazm hamda Toshkent viloyatlari boshqarmalarida inspektor, katta inspektor, bo‘lim boshlig‘i, Byuroning Toshkent viloyati boshqarmasi boshlig‘i o‘rinbosari lavozimlarida ishlagan.
Mazkur tayinlovga qadar u Byuroning Toshkent viloyati boshqarmasida katta inspektor lavozimida ishlab kelayotgan edi.