TTA Termiz filialining ilk bitiruvchilariga sertifikatlar topshirildi

Date:

Surxondaryo viloyatida tibbiyot xodimlariga bo‘lgan ehtiyoj va talabdan kelib chiqib, Prezidentimiz tashabbusi bilan 2018-yilda Toshkent tibbiyot akademiyasi Termiz filiali tashkil etilgan edi. O‘tgan vaqt ichida talaba-yoshlar tibbiyot sirlari bo‘yicha o‘qib, bilimlarini amaliyotda sinadilar. Bu yil esa ushbu oliygohning ilk 294 nafar bitiruvchisi o‘qishni tamomlab, viloyatdagi tibbiyot muassasalarida faoliyat olib borishga hozirlik ko‘rishayotir.


Termiz shahridagi “Yoshlar markazi”da Toshkent tibbiyot akademiyasi Termiz filiali ilk qaldirg‘ochlari qasamyod qabul qilib, mustaqil ish faoliyatlari tomon uchirma bo‘ldilar. Bitiruvchilarning quvonchli va hayajonli daqiqalariga Surxondaryo viloyati hokimi Ulug‘bek Qosimov ham sherik bo‘ldi.
Viloyat rahbari bitiruvchilarni tibbiyot oliygohini muvaffaqiyatli tamomlaganliklari bilan tabriklab, ulardan o‘z qasamyodlariga sodiq qolishlarini, insonlar sog‘ligini asrashda fidoyilik bilan mehnat qilishlarini so‘radi. O‘z tabrik so‘zi yakunida bitiruvchilarni vrach maqomini olayotganliklari bilan samimiy muborakbod etib, xalqimiz salomatligi yo‘lidagi sharafli ishlarida ulkan zafarlar tiladi.


Shundan so‘ng, oliygoh bitiruvchilariga sertifikatlar topshirildi. Endilikda 294 nafar yosh shifokorlar Surxondaryo viloyatidagi tibbiyot muassasalarida o‘z faoliyatlarini olib boradi. Aytish kerakki, hozirda viloyatimizda 3,5 mingdan ortiq malakali shifokorlarga ehtiyoj mavjud bo‘lib, joriy o‘quv yilida tibbiyot oliygohlari bitirayotgan 423 nafar vrach viloyatdagi tibbiyot muassasalariga ishga qabul qilinmoqda.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Yuksalish” harakati Latviya bilan hamkorlikda…

Latviya tashki ishlar vazirligining moliyaviy ko‘magida “O‘zbekistonda iqlim o‘zgarishi...

NOHAQLIK…

Hayotimiz tabiat bilan chambarchas bog‘liq. Insoniyat yaralibdiki, tabiat uning...

Termiz tumani yangi qiyofa kasb etib…

Respublikamizning barcha joylarida bo‘lgani kabi Termiz tumanida ham keng...

“MAHALLA YETTILIGI” BILAN O‘ZARO HAMKORLIK AMALDA…

Bugun mahallalar jamiyat hayotining va islohotlarning boshlang‘ich nuqtasiga aylanmoqda....
KunTun
KunTun