“20 ming tadbirkor – 500 ming malakali mutaxassis” dasturi amalga oshiriladi

Date:

Kambag‘allik rivojlanishning kushandasi. Shunday ekan, kambag‘allikni qisqartirish, bandlikni ta’minlash davlat siyosati darajasidagi masala bo‘lmog‘i lozim. Prezident Shavkat Mirziyoyev raisligida bo‘lib o‘tgan videoselektor yig‘ilishida ham ayni masala muhokama qilindi va qator vazifalar belgilab berilgan edi.
Denov tumanida mazkur vazifalarni tizimli rivojlantirish maqsadida tuman hokimi Ilhom Abrorov boshchiligida tadbirkorlar va tegishli mas’ullar bilan “Lochin” massivida ochiq muloqot o‘tkazildi.

Muloqotda qanday yo‘l tutilsa, kambag‘allikni qisqartirish choralari muhokama qilindi. Tadbirkorlar bilan manfaatli hamkorlik qilinib, munosib qo‘llab-quvvatlansa, bandlik masalasini hal etishda zarur imkoniyatlar yanada kengayishi ta’kidlandi. Shuningdek, kambag‘al oilalar a’zosini kasbga o‘qitib, ishli qilish bo‘yicha loyiha ishlab chiqiladigan, qolaversa, amaldagidan past foizlarda va uzoqroq muddatga kredit beriladigan bo‘ldi.


Kasb-hunar maktablari, kollej, texnikum va monomarkazlarda o‘qib hunarli bo‘lgan fuqarolarning ish bilan bandligini ta’minlash zarurligi bildirildi. Bunda kambag‘allik yuqori bo‘lgan mahallalarda infratuzilmani yaxshilash va mahallalarni sanoatlashtirishga e’tibor qaratiladi.
Tadbirda tuman tadbirkorlari tomonidan ishlab chiqarilayotgan mahsulotlar namoyishi tashkil etildi. Tadbir so‘ngida “Eng namunali tadbirkor” deb topilgan 4 nafar tadbirkorga tuman hokimining tashakkurnomasi topshirildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

TISU talabalari o‘qishni Turkiyada davom ettiradimi?

Chumchuq so‘ysa ham qassob so‘ysin deyishganidek, til o‘rganishda ham...

Pilla mavsumiga start berildi

Joriy yil pilla hosili uchun birinchi mavsumga start berildi....

Ijodkor yoshlar bellashdi

Ijodkor, qo‘liga qalam tutib, nasr yoki nazmda ijod qilishni...

Mehmonlar yuksak saviyada kutib olinadi

Joriy yilning 1-7-may kunlari “Boysun bahori” xalqaro festivali bo‘lib...
KunTun
KunTun