Kasaling bo‘lsa, bir dard, agar uni davolash uchun poytaxtga yoki boshqa bir davlatga borib jarrohlik amaliyoti o‘tkazilishiga to‘g‘ri keladigan bo‘lsa, dard ustiga chipqon bo‘ladi-qo‘yadi. To‘g‘ri-da, olis joyga borib davolanish uchun ham ancha-muncha mablag‘ kerak. Ustiga ustak ovoragarchilik, yugur-yugur bu kabi muammolar kasalning dardini og‘irlashtirsa og‘irlashtiradiki, aslo yengilashtirmasligi tayin.
Biroq jarqo‘rg‘onlik M.Aga chuqurlashtirilgan tekshiruvdan soʻng, oʻtkir toshli xolesistit tashxisi qo‘yilgan bo‘lsa-da, Jarqo‘rg‘on tumanining o‘zida faoliyat olib borayotgan tibbiyot xodimlari uning joniga ora kirib, noyob jarrohlik amaliyotini ham o‘tkazishdi.
Jarqoʻrgʻon tuman tibbiyot birlashmasida barcha zaruriy asbob-uskunalar mavjudligi bois bemorda shu joyning oʻzida ilk bor loperaskop yoʻli bilan xolesistoektomiya jarrohlik amaliyoti oʻtkazildi.
M.Aning tuman tibbiyot birlashmasiga qilgan murojaati, mutasaddilarning o‘z vaqtida qaratgan e’tibori, qolaversa, tuman tibbiyot birlashmasida jonkuyarlik qilayotgan shifokorlar bir insonni og‘ir darddan xalos etdi. Qayta yashashga va sog‘lom inson bo‘lim jamiyatda o‘z o‘rnini topishida muhim ahamiyat kasb etdi.
A.Safarova
