O‘zbekiston Respublikasi Referendumini o‘tkazuvchi 9-Surxondaryo okrug komissiyasi matbuot markazida viloyatdagi ommaviy axborot vositalari xodimlari uchun brifing o‘tkazildi. Brifingda 9-Surxondaryo okrug komissiyasi raisi o‘rinbosari Rasul To‘rayev ishtirokchilarga ushbu muhim siyosiy jarayonga ko‘rilayotgan tayyorgarlik ishlari haqida maʼlumot berdi.
Aytish kerakki, okrug komissiyasining muayyan tuman yoki shaharga biriktirilgan har bir aʼzosi o‘sha yerlardagi seminar-treninglarning o‘tkazilish jarayonini monitoring qilib, sifati va davomatga alohida ahamiyat berib bormoqda. Qolaversa, joylarda referendum o‘tkazuvchi uchastka komissiyasi raisining o‘rinbosarlari va kotiblari, uchastka komissiyalarining boshqa aʼzolari o‘quvlari o‘tkazilmoqda. Okrug hududidagi barcha uchastkalar jihozlanib, ovoz beruvchilar uchun zarur sharoitlar yaratilayotir.
Brifingda referendum o‘tkazuvchi komissiyalar tarkibi, ular uchun tashkil etilayotgan o‘quv seminarlari va uchastka komissiyalari aʼzolarining ayni kunlarda olib borayotgan ishlari xususida atoflicha axborot berildi.
D.Qo‘zimurodova,
N.Muhibulloyev
(surat)
