Jarqo‘rg‘on tumani “Avlod” mahallasi hududidagi foydalanilmasdan kelinayotgan 27 gektar yer maydonini o‘zlashtirish va foydalanishga kiritish maqsadida 227 nafar ishsiz fuqaroga 10 sotixdan ajratish orqali bo‘lib berilishi reja qilingan. Bu esa shuncha fuqaroning bandligi ta’minlanib, foydali mehnat bilan mashg‘ul bo‘ladi, daromad orttiradi degani.
Hozirda esa ushbu yer maydonini o‘zlashtirib, ekin-tikin qilishga moslashtirish maqsadida kerakli qulaylik yaratilayotir. Xususan, suv taʼminoti va elektr tarmog‘i bilan taʼminlash maqsadida 3,3 kilometrga suv tarmog‘i tortildi. 8 ta nasos o‘rnatilib, suvni zaxira sifatida saqlash uchun 3 ta suv saqlagich (hovuz) qurildi. Suv saqlanadigan har bir hovuzning hajmi 3 ming tonnani tashkil etadi. Shuningdek, 2 ta transformator, 62 dona beton ustun ham o‘rnatilgan. Bu ishlar uchun byudjetdan 4,2 milliard so‘m mablag‘ sarflangan.
Barcha tashkilish ishlar bajarilgandan so‘ng, yerga kerakli ishlov berilib, ekin ekish ishlari boshlab yuboriladi.
Sohibjamol
