“Tebat” mahallasi Qumqo‘rg‘on tuman markazidan 72 kilometr uzoqlikda joylashgan. Yilning har faslida ham mahalla ahlining bozor-o‘char qilishi tuman markaziga yumush bilan borish muammo bo‘lishi, anchagina vaqt talab etishi bor gap. Ammo, hozirgidek sovuq ob-havoda uydan tashqariga chiqish ham mushkul masala. Mana shunday sharoitda qor va loy kechib, bozorga borishni esa bir tasavvur qiling.
Tuman markazidan uzoqda joylashgan chegara oldi hududidagi ushbu mahallaga qulaylik yaratish maqsadida arzonlashtirilgan savdo yarmarkasi tashkil etildi. Ko‘chma savdo yarmarkasida aholi iste’moli uchun zarur bo‘lgan go‘sht va qishloq xo‘jaligi mahsulotlari hamyonbop narxlarda yetkazib berildi. Yaratilgan qulaylikdan esa tebatliklar xursand. Ularning vaqti va mablag‘i tejaladigan bo‘ldi.
Sohijbamol
