“Ayollar daftari” – xotin-qizlar orzusini ro‘yobga chiqarayotir

Date:

Mahallalarda xotiq-qizlarni qo‘llab-quvvatlashning o‘ziga xos mexanizmi yaratilgan. Qiziqishlari va ishtiyoqi, uquviga qarab yordam beriladi. Bu yordam bilan kechagi ishsiz ayollar bugun ishbilarmon, mohir tikuvchi-chevar, fermer yoki qandolatchi sifatida o‘zi va o‘zgalarga naf keltiryapti. Ro‘zg‘orini, bola-chaqasini halol luqma bilan boqyapti.
Denov tumani “Qaytmas” mahallasi fuqarosi D.Tojiboyeva ham ishsiz va imkonsiz edi. Mahalla mas’ullari ishsiz va ijtimoiy himoyaga muhtoj xotin-qizlarni o‘rganish davomida D.Tojiboyeva bilan ham suhbatda bo‘lishdi. So‘ng, “Ayollar daftari”ga ro‘yxatga olishib, subsidiya asosida tikuv mashinasi berishdi.
Mahallada kim ko‘p — tikuvchi. To‘g‘ri, hammaning ham o‘z mijozi, o‘z rizqi bo‘ladi. Ammo, D.Tojiboyeva chevarlik qilishning boshqa yo‘li, yo‘nalishini o‘ylab topdi. Gazlamalarga gul bosib bersa, ham narxi, ham talab yuqori ekanini hisobga olib, yaxshi niyat ila ish boshladi. Adashmagan ekan, matoga gul bosuvchi opani izlab keladiganlarning soni kun ora oshib bordi. Ishlarini yaxshigina yo‘lga qo‘yib olgach, “Ustoz-shogird” an’anasi asosida 10 nafar o‘zidek ishsiz xotin-qizni shogirdlikka oldi va kasb sirlarini o‘rgata bordi.
Qarabsizki, mohir tikuvchi ayollarning mehnati besamar ketmadi. Ular solgan gullar nafis va shu qadar ajoyibki, ko‘rgan ko‘z quvnaydi. Ayni shunday bezaklar liboslariga ko‘chishini istab, buyurtmaga shoshishadi. Shu tariqa o‘zlarining doimiy mijozlariga ega bo‘lib borayotgan chevar opalar mahalla faollaridan, yurtimizda yaratilgan shart-sharoit va imkondan mamnun.

Sohibjamol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun