Anomal sovuq ob-havoga qaramay, maktablarda 3-chorak boshlandi. Davomad esa bilganimizdek, sababi ko‘plab ota-ona farzandini sovuqda, qor kechib maktabga jo‘natmayapti. Ko‘plab tashkilotlarda esa ish tartibi masofaviy shaklda amalga oshirilmoqda. Ko‘pchilik issiqqina uyida televizor qarshisida qishni o‘tkazayotgan bir payda Obodonlashtirish boshqarmasi xodimlari yo‘llarda xavfsiz harakatlanishimiz va osoyishtaligimiz uchun sovuqni sovuq demay xizmatda.
Jarayonni kuzatsangiz, ular xizmatiga tahsin o‘qiysiz. Ana shunday obodlik va tozalash ishlari viloyatimizning barcha tumanlari qatori Sariosiyo tumanida ham amalga oshirilmoqda. Tuman hokimi Abdisalom Xujaqulov ayni vaqtdagi anomal sovuq ob-havo sharoitida yo‘llarni muzlamalardan tozalash harakat xavfsizligini ta‘minlash, yo‘l transport hodisalarining oldini olish maqsadida tuman Obodonlashtirish boshqarmasi tomonidan tuman ko‘chalarini qordan tozalash, qum-tuz aralashmasini sepish ishlarini ko‘zdan kechirdi. Shu bahonada mazkur ishlarda jonkuyarlik ko‘rsatayotgan Obodonlashtirish xodimlariga issiq ichimlik bilan ta‘minlash maqsadida termos hamda 750 ming so‘m miqdoridagi bir martalik pul mablag‘larini topshirildi.
Kamtarona xizmatini munosib baholab, mukofotlayotgan hokim bobosidan mamnun ishchi-xodimlarning xursandchiligi cheksiz. Ular sidqidildan mehnat qilib, qo‘llaridan kelgancha yordam berishlarini aytishayotir.
Hilol
