Bugungidek izg‘irin sovuqda pechlarimizdagi zangori olov jonimizga ora kirib, uyimizni isitadi. Qarabsizki, qishni betalafot o‘tkazib olamiz. Ammo, shunday paytda gaz ta’minotida nosozlik bo‘lsa bormi, sarosimaga tushib qolish hech gap emas.
Boysun tumanidagi “Mustaqillik” va “Bog‘ibolo” mahallasidan o‘tuvchi D-159 mm gaz quvuri yorilib, natijada gaz sizib chiqa boshlagan. Ushbu nosozlikni aniqlagan soha mutaxassislari ortiqcha ko‘ngilsizliklarning oldini olish maqsadida ushbu hududdagi gaz ta’minotini darhol to‘xtatib, kamchilikni bartaraf etishga kirishishdi.
Qisqa fursatda taʼmirlash ishlari olib borilib, nosozlik bartaraf etildi va bir necha soatda tumandagi “Mustaqillik”, “Obi”, Poygaboshi, Kosiblar, “Bog‘ibolo”, “Tuzbozor”, “Chorchinor”, “Bibishirin” mahallalarida istiqomat qilguvchi aholi xonadonlariga tabiiy gazni yetkazib berish taʼminlandi.
Sohibjamol
