Telemuloqot tashkil etildi

Date:

Askar bo‘lishni, harbiy xizmatga borishni bolalikdan orzu qilmagan bola bo‘lmasa kerak. Ana shunday orzulari maqsadga aylangan mard o‘g‘lonlar bu kun yigitlik burchini o‘tash maqsadida qo‘shni viloyatlarda harbiy xizmatda.
Vatan oldidagi burchni muqaddas sanaganlarga oila, ota-ona va yaqinlari sog‘inchi sabr va e’tiqodni mustahkamlaydi. Bildirilgan ishonchni oqlash uchun ham vijdonan, sidqidildan xizmatni o‘tashayotir, berilgan har bir topshiriqni sabot bilan bajargani uchun ham yuzi yorug‘. Farzandlari harbiy xizmatni o‘tayotgan ota-ona istagan paytida nuridiydalari bilan diydorlasha olmaydi. Ammo, O‘zbekiston Respublikasi Mudofaa vazirligi, Surxondaryo va Samarqand viloyati hokimliklari hamkorligida Janubi-G‘arbiy maxsus harbiy okrugining Termiz, Markaziy harbiy okrugining Samarqand garnizonlarida muddatli harbiy xizmat burchini o‘tayotgan askarlar hamda ularning ota-onalari, yaqinlari uchun teleko‘prik tashkil etildi.
“Milliy armiyamiz – Yangi O‘zbekistonning mustahkam qalqonidir!” shiori ostida O‘zbekiston Respublikasi Qurolli Kuchlari tashkil topgan kun va 14-yanvar – Vatan himoyachilari kuni munosabati o‘tkazilgan tadbir “Mening farzandim yurt himoyachisi va armiya ilg‘ori, mahallamiz iftixori” mavzuyiga bag‘ishlandi.
Telemuloqotda samarqandlik va surxondaryolik ota-onalar harbiy xizmatni o‘tayotgan farzandlari bilan diydor ko‘rishdilar. Hol-ahvol so‘rashib, qalblari quvonchga to‘ldi. Askarlar harbiy xizmat chog‘ida maʼnan va jismonan toblanib, erishgan yutuqlari xususida faxr bilan so‘z yuritdi. Tashkil etilgan ushbu teleko‘prik orqali bo‘lgan diydorlashuv ko‘ngillarga g‘alayon ko‘targan sog‘inch tuyg‘usining hovurini bosgandek bo‘ldi. Barcha tashkilotchilarga mana shunday tashabbus uchun minnatdorlik izhor qildi.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SOVGʻA HUDUDLARGA YUBORILDI

Nazariy bilimlar amaliyot bilan boyisa, yodda saqlash, sohada muvaffaqiyatga...

Huquqiy tushuncha berildi

Kimda muammo bo‘lsa, u o‘z yog‘iga qovrilib, nima qilarini...

Subsidiya asosida…

Bugun ishli bo‘lish, daromad ko‘rish uchun ko‘p narsa kerak...

Surxondaryo delegatsiyasi RFda

Surxondaryo viloyati hokimi Ulug‘bek Qosimov boshchiligidagi delegatsiya Rossiyaning Chelyabinsk...
KunTun
KunTun