Ayol tazyiqqa, zo‘ravonlikka uchrayaptimi, demak uning huquqlari poymol bo‘lyapti, gender tenglikka putur yetyapti. Allaqachon erkak va ayolning huquqlari teng ko‘rilayotgan bir paytda hali-hamon xotin-qizlarning jamiyatdagi roliga ahamiyatsiz qarash holati uchrayotgani ayanchli. Ularning o‘z o‘rnini topishda OAV kuchini ishga solish eng to‘g‘ri yo‘l aslida. Mavzuga aloqador materiallar doimiy ravishda berib borilsa, ayollarning zo‘ravonlikka uchrashining oldi olinarmidi…
ASTED Markaziy Osiyo va Afg‘oniston uchun “Luch Sveta” tashabbusining mintaqaviy dasturi bilan hamkorlikda gidrid format usulda o‘tkazilgan tadbirda bir vaqtning o‘zida oltita davlat poytaxtlaridan (Olmaota, Bishkek, Toshkent, Ashxobod, Dushanbe va Qobul) 200 ga yaqin jurnalistlar ishtirok etdi.
Tadbir “Markaziy Osiyoda zo‘ravonlik xavfi ostida bo‘lgan va zo‘ravonlikka uchragan ayollarni qo‘llab-quvvatlashda fuqarolik jamiyati salohiyatini kuchaytirish” loyihasi doirasida xotin-qizlarning jamiyatdagi rolini kuchaytirish maqsadida tashkil etildi. Seminar-trening davomida jurnalistlar mavzuni yoritishda qanday yo‘l tutish, muammoli tomonlarini ochib berishda e’tibor qaratadigan jihatlar haqida qimmatli ma’lumotlarni tinglash bilan birga, o‘zaro fikr va mulohazalar almashdilar.
Hilola
