Eng to‘g‘ri yo‘lni esa siz tanlaysiz…

Date:

Rossiyaga pul topish maqsadida ketgan yurtdoshlarimiz haqida eshitsam, o‘ylanib qolaman. Ularga nisbatan ichimda achinish tuyg‘usi uyg‘onsa, boshqa tomondan ota-onasi, bola-chaqasi, oilasidan yiroqqa ketib, mehrga zor qilgan ota-onalarga nisbatan g‘azabim qaynaydi.
Muammo mablag‘ga borib taqalar ekan, ota-onalarning, og‘a-inilarning bir necha yillari musofirlikda, ishlab pul topishga majbur. Ammo, Rossiya va Ukraina o‘rtasidagi ziddiyatlar, o‘zaro urushlarning kuchaygani, Rossiya Federatsiyasida harbiy safarbarlik e’lon qilingani yaqinlari o‘sha hududlarda ishlaydigan yurtdoshlarimiz ko‘ngliga g‘ulg‘ula solmay qo‘ymaydi. Ana shunday vaziyatlarda Tashqi mehnat migratsiyasi agentligining ogohlantirishlari, qonunchilik bilan asoslangan targ‘ibotlari zora pul topish ilinjida hech narsadan tap tortmaydigan ba’zi yurtdoshlarimizning fikridan qaytara olsa…
Xolbuki, moddiy manfaatdorlik yoki shaxsiy manfaatlarni ko‘zlab, o‘zga davlat hududida yoki uning tarafini olib, qurolli to‘qnashuvlarda, harbiy harakatlarda qatnashish O‘zbekiston Respublikasi Jinoyat Kodeksining 154-moddasiga binoan 10 yilgacha ozodlikdan mahrum qilish bilan jazolanishlarini unutmasa bo‘lgani.
Shuningdek, “O‘zbekiston Respublikasining fuqaroligi to‘g‘risida”gi qonunning tegishli moddasiga ko‘ra boshqa bir davlatning harbiy xizmatiga, xavfsizlik organlariga xizmatga kirganlar O‘zbekiston fuqaroligidan mahrum qilinishiga sabab bo‘ladi.
Bir o‘ylab ko‘raylik, qandaydir manfaatdorlik evaziga qon kechib, shirin jonlarga ozor yetkazish gunoh. Bunday harakatlarning oxiri esa nogironlik yoki muqarrar o‘lim. Omon qilganlarchi, uzoq yillar sizning yo‘lingizga ko‘z tikkan qora ko‘zlarning diydorini ko‘rishdan mahrum bo‘lishga arziydimi? O‘ylab ko‘ring, eng to‘g‘ri yo‘lni esa siz, xorijda ishlayotgan yurtdoshlar tanlaysiz…

Dinara Qo‘zimurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun