Yurtimizda tadbirkorlarni qo‘llab-quvvatlash va kerakli yordam ko‘rsatishning tizimli mexanizmi yo‘lga qo‘yilgan. Bugun “xalqqa xizmat qilaman, daromad ko‘rib, o‘zgalarga-da naf keltiraman” degan borki, imtiyoz va g‘amxo‘rlik ostida.
Xususan, Boysun tuman hokimligining Investitsiyalar va tashqi savdo majmuasi xodimlari tomonidan tumanda amalga oshirilayotgan ishlarni samarali boshqarish maqsadida doimiy ravishda monitoring yuritish ishlarining olib borilayotganida ham ana shunday g‘amxo‘rlik ifodasi mujassam. Xuddi shunday monitoring ishlari “SAHARA” oilaviy korxonasi tomonidan amalga oshirilayotgan zamonaviy mehmonxona loyihasida o‘tkazildi. Mazkur loyihaning umumiy qiymati 950,0 million so‘mni tashkil etib, bugungi kunga qadar jami 2100,0 so‘m mablag‘ o‘zlashtirilgan. Shundan tijorat banki tomonidan 100,0 million so‘m kredit mablag‘i ajratilgan.
Kerakli qo‘llab-quvvatlovdan keyin faoliyatning gullab-yashnashi, turizm sohasida ham o‘ziga xos burilish yasalishi inobatga olingan holda loyiha bo‘yicha xizmat ko‘rsatish va servis xizmat turlarini yanada oshirish rejasi bo‘yicha qo‘shimcha 200,0 million so‘m mablag‘ ajratiladigan bo‘ldi. Bu borada tuman hokimligi tomonidan amaliy yordam ko‘rsatish ishlari olib borilayotir.
Sohibjamol Davlatova
