“Fudokane karate”dan chempion chiqdi

Date:

Taniqli rassom Leonardo Da Vinchi aytganidek, agar temir ishlatilmasa zanglaydi. Agar suv harakatlanib turmasa ayniydi. Agar kishi fikrlamasa aqlda ham shunday holat yuz beradi. Vaholangki, sport ham ushbu o‘xshatishlardan holi emas. Negaki, sportda ham biror bir natijaga erishaman, sport ustasi bo‘laman, degan sportchi borki, doimiy mashq qilishi, tinimsiz o‘z ustida ishlashi va harakatdan to‘xtamasligi zarur. Ana shundagina muvaffaqiyat kaliti sportchining qo‘lida bo‘ladi.

Sherobodlik Sarvara ham ushbu oltin qoidani yaxshi anglagani ko‘yi yoshlikdan “Fudokane karate”ning “etagidan” tutdi. Mashqlarda chiniqdi, treneri Shahboz Qurbonov esa yosh sportchini har qachon olg‘a yurishga, mashqlarda ildam bo‘lishga “Fudokane karate”ni mahkam ushlashga o‘rgatdi. Oldinga qo‘yilgan maqsad, mehnat va mashqlar o‘z so‘zini aytdi.

Joriy yilning 14-15-may kunlari Toshkent shahrida IIV kasbiy tayyorgarlik boshqarmasi hamda Oʻzbekiston Fudokan karate Federatsiyasi bilan hamkorlikda Fudokan karate sport turi boʻyicha yoshlar va kattalar oʻrtasida Oʻzbekiston chempionati oʻtkazildi. Unda Qoraqalpogʻiston Respublikasi, Toshkent shahar va barcha viloyatlardan jami 300 ga yaqin sportchilar ishtirok etishdi.

Sherobod tumani “Chagʻatoy” mahallasida istiqomat qiluvchi Sarvara Imomova ham ushbu musobaqada ishtirok etib, oʻz yosh toifasida gʻolib boʻlib, Chexiyada boʻlib oʻtadigan chempionatga yoʻllanmani qoʻlga kiritdi.

Maʼlumot oʻrnida, Sarvara Imomova 17 yoshda. Hozirda tumandagi 1-son kasb-hunar maktabida tahsil oladi. U ikki karra Oʻzbekiston chempioni.

Haqgo‘y

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

TISU talabalari o‘qishni Turkiyada davom ettiradimi?

Chumchuq so‘ysa ham qassob so‘ysin deyishganidek, til o‘rganishda ham...

Pilla mavsumiga start berildi

Joriy yil pilla hosili uchun birinchi mavsumga start berildi....

Ijodkor yoshlar bellashdi

Ijodkor, qo‘liga qalam tutib, nasr yoki nazmda ijod qilishni...

Mehmonlar yuksak saviyada kutib olinadi

Joriy yilning 1-7-may kunlari “Boysun bahori” xalqaro festivali bo‘lib...
KunTun
KunTun