Negadir har qanday tushkunlik davrida ham, stresslarda ham psixolog maslahatini olish haqida o‘ylab ko‘rmaymiz. Balki bu bizda ommalashmagan soha turidir. Ammo, istaymizmi, yo‘qmi psixologik yordam ko‘plab muammolarga yechim topib, yashashni osonlashtiruvchi kuchga ega ekanini jahon tajribasi isbotlab turibdi. Demak, psixolog yordami, maslahat va tavsiyasi kerak.
Tan olish kerakki, bu tavsiyani olish arzonga tushmaydi. Yaxshigina chiqim qilish ham turgan gap. Boshqacha aytganda maslahat tekin emas.
Viloyat IIB Maʼnaviy-maʼrifiy ishlar bo‘limi Psixologik taʼminlash guruhi mutaxassis psixologlari hamda Xotin-qizlar masalalari bo‘yicha inspektorlar bilan hamkorlikda “Xodim psixolog huzuriga emas, psixolog xodim huzuriga” tamoyili asosida ishlash tizimini yo‘lga qo‘ydi. Bunday xayrli tashabbus asosida avvaliga viloyatda faoliyat olib borayotgan ichki ishlar organlaridagi ayol xodimalarining oilasi, turmush sharoitlarini o‘rganish boshlandi. Psixologlar ular bilan suhbat olib borib, oiladagi muammolar aniqlanadi va bartaraf etiladi.
Loyiha yaxshi natija bersa, mahlallarda nizoli oilalar, tushkunlikka tushib qolgan ayollar bilan ishlab, kerakli psixologik yordam berish ishlari boshlab yuboriladi.
Hilol
