Ishda muvaffaqiyatga erishish qaysidir ma’noda yaratilgan shart-sharoitga ham bog‘liq. Bu xodimning o‘ziga bo‘lgan ishonchini oshiradi, yanada yaxshi ishlashga, naf keltirishga undaydi. Qaysi sohaga boqmang, faoliyatida erishgan yutuqlarini yaratilgan imkoniyatlar bilan bog‘lashadi. Shu ma’noda Denov tumanida mudofaa ishlar bo‘limi uchun barcha qulayliklarga ega yangi bino foydalanishga topshirildi.
Tantanali ochilish marosimida tumani rahbaridan tortib, mas’ul xodimlar, davlat va jamoat tashkilotlarining vakillarigacha ishtirok etdi. Tashrif buyurgan borki, yaratilgan shart-sharoit va qulayliklardan quvondi. Vatan xizmatiga otlangan er yigit borki, ularni tayyorlashda maktab vazifasini o‘taydigan bu dargoh ularni kashf etishga, tarbiyalashga xizmat qiladi.
Aytish kerakki, mudofaa ishlari bo‘limi binosi zamonaviy loyiha asosida bunyod etilgan va chaqiriluvchilarni harbiy xizmatga tayyorlash hamda ko‘rikdan o‘tkazish uchun barcha qulayliklarga ega. Qariyb 40 yil ilgari qurilgan sobiq bino shu vaqtgacha bir necha marotoba ta’mirlangan bo‘lsa-da, kamchiliklardan holi emasdi. Sohaga qaratilayotgan e’tibor esa bugun har bir ishchi-xodimni ruhlantirib, yanada javlon urib xizmat qilishga kuch beryapti.
S.Murodova
