Bola uchun o‘qish va o‘rganish zerikarli tuyilishi aniq. Chunki hammamiz ham bola bo‘lganmiz. Nimanidir o‘rgatishni maqsad qilgan borki, avvalo boladek o‘ylashi, boladek yo‘l tutishi lozim. Shundagina har qanday yumush va mashg‘ulot qiziqarli tus oladi. O‘rganish, bilish esa muhim. Ayni shu jihatni inobatga olgan IIB Jamoat xavfsizligi xizmati xodimlari bolajonlarga yo‘l harakati qoidalarini o‘rgatishga bel bog‘ladilar. Shu maqsadda shahardagi maktabgacha ta’lim tashkilotlarida bo‘lishib, yo‘lda harakatlanish, yo‘l belgilari haqida zerikarli ma’lumotlarni aytish o‘rniga muassasada svetofor o‘rnatilib, yo‘l belgilari va chiziqlari tortildi.
Bolajonlar yo‘lovchi sifatida harakatlanib, har bir qoidalar, bilish lozim bo‘lgan belgilar mutaxassis tomonidan tushuntirildi. Mashg‘ulot qiziqarli va tushunarli bo‘ldi.
Maktabgacha bo‘lgan yoshda olingan bilim va tushunchalar inson hayoti davomida malaka olishga zamin hozirlar ekan, bu kabi targ‘ibot-tashviqot ishlari va tashabbuslar kelgusida ularning yo‘l harakati qoidalariga rioya qilishlariga asosiy sabab bo‘ladi.
Tushuntirish ishlari yakuniga yetgach, tarbiyalanuvchilar ishtirokida velomarafon o‘tkazildi.
Hilol
