“Biz dardingizga malham bo‘lamiz!”

Date:

Zamonaviy taraqqiyot epkinlari bugun vohamizning chekka-chekka hududlariga ham kirib borayotgani aholiga yanada qulaylik yaratayotgani rost. Ayniqsa, sog‘liqni saqlash sohasida amalga oshirilayotgan islohotlar, yangidan yangi shifoxonalar bunyod etilishi — bularning bari inson qadrini ulug‘lash, salomatligini asrash yo‘lidagi muhim qadamdir.

To‘g‘ri, barcha kasalliklarni davolaydigan shifoxonalar joylarda hali to‘laligicha qamrab olinmagan esa-da malakali tibbiyot xodimlari joylarga chiqib, sayyor ko‘riklar tashkil etib, aholiga tibbiy xizmat ko‘rsatmoqda. 

Boysun tumani markazidan 60 km uzoqlikda joylashgan Machayga Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi direktor o‘rinbosari Abror Yusufbekov boshchiligida viloyat hamda tumanlardan bir guruh malakali shifokorlar tashrif buyurdi. Mazkur tibbiy ko‘rik “Biz dardingizga malham bo‘lamiz!” aksiyasi doirasida tashkil etilgan bo‘lib, maqsad esa aholini chuqurlashtirilgan tibbiy ko‘rikdan o‘tkazishdir.

Prezidentimizning Farmon va Qarorlarida belgilangan muhim topshiriqlarning hududlardagi ijrosini ta’minlash hamda “O‘zbekiston Respublikasi Prezidentining sog‘liqni saqlash sohasi vakillari bilan “Ochiq muloqoti”da belgilangan vazifalarni amalga oshirish bo‘yicha chora-tadbirlari to‘g‘risida”gi 33-sonli Farmoyishi ijrosini ta’minlash maqsadida tashkil etilayotgan tibbiy ko‘riklar aholiga bepul xizmat ko‘rsatmoqda.

Xatlov natijasida Machay hududida yashovchi 3-4 guruh dispanser hisobida turuvchi bemorlar tibbiy ko‘rikdan o‘tkazildi.

Tibbiyot birlashmasi hamkorligida o‘tkazilgan ko‘rikda yuqori malakali kardiolog, terapevt, nevrolog, travmatolog, dermatolog hamda urologlar tomonidan tibbiy xizmat ko‘rsatildi.

Shuningdek, fuqarolarni statsionar yotib davolanishi uchun kerakli tavsiyalar berib o‘tildi.

E.Elmurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Istiqbolli loyihalardan tomonlar manfaatdor

Surxondaryo kundan kunga chiroy ochib, obod ko‘rinish kasb etmoqda....

Jalinga interaktiv studiyasi ish boshladi

Bugun ijtimoiy tarmoqlar, media mahsulotlari tayyorlar, shu yo‘nalishda ijod...

… foydalanishga topshirildi

Tibbiyot sohasiga qaratilayotgan e’tibor negizida xalq salomatlgini asrash yotadi....

Taktik mashg‘ulotlar o‘tkazildi

Qurbon hayiti bayramiga ham sanoqli kunlar qoldi. Qutlug‘ sanani...
KunTun
KunTun