Turizm davlatni tanitadigan, qolavesa, iqtisodiy jihatdan foyda keltiradigan soha. Albatta, sayr-u sayohatni ko‘ngliga tugib, qadam ranjida qilgan mehmon borki, mehmonxona xizmatidan foydalanadi. Busiz turizmni tasavvur etib bo‘lmaydi. Qaysidir ma’noda mexmonxonada ko‘rsatiladigan xizmat, shart-sharoit mehmon kayfiyatiga ta’sir etmay qolmaydi.
Mehmonlar xavfsizligi, huquq va erkinliklari hamda manfaatlariga mos tarzda xizmat ko‘rsatish mezbon uchun muhim mezondir. Ushbu jihatlarni inobatga olgan holda mehmonxonalarda xavfsizlikni ta’minlash masalalari bo‘yicha Tavsiyalar qo‘llanmasi (o‘zbek va rus tillarida) kitobcha shaklida chop etilib, Termiz shahrida joylashgan mehmonxonalarga tarqatildi. Shuningdek, mehmonxona mas’ul va xizmatchilariga mehmonxonalarda xavfsizlikni ta’minlash masalalari borasida tegishli tushunchalar berilib, ushbu qo‘llanma asosida ishlarni tashkil etishlari belgilandi.
Hilol
