“Soatiga 30 kilometrdan oshirgan haydovchi jarimaga tortiladi”

Date:

Singlimni maktabga olib borayotib, avtohalokatning guvohi bo‘ldik. Qarshimizda yo‘ldan o‘tayotgan qizaloqni yashin tezligida kelgan mashina bir urib, bir necha chaqirim uzoqlikka uloqtirib yubordi. Qizcha hushsiz. biz sarosimaga tushib qolgandik. Bir necha soniya avval katta yo‘lga chiqqanimizda, bu voqea biz bilan ham sodir bo‘lishi mumkin edi. Bir necha kundan o‘sha qizchaning yosh joni nobut bo‘lganini eshitdik.

Bunday holatlar tez-tez sodir bo‘lib turadi. Uchar haydovchilarning birgina ehtiyotsizligi ayanchli oqibatlarga olib keladi. To‘g‘ri, qonun doirasida belgilangan jazoni ham olar, ammo norasida bolalar qaytib kelarmidi…
Mana shunday ko‘ngilsiz halokatlarning oldini olish maqsadida hukumat qarori bilan “Yo‘l harakati qoidalari”ga o‘zgartirish va qo‘shimchalar kiritildi. Endi maktab va bog‘cha atrofidagi yo‘llarda 300 metrgacha bo‘lgan masofada tezlikni soatiga 30 kilometrdan oshirgan haydovchi jarimaga tortiladi. Aholi punktlarida bu me’yor 70 kilometrdan oshmasligi qat’iy belgilandi. Turar joy dahalari va yondosh hududlarda (uy-joy binolari orasidagi yer uchastkasida) esa soatiga 20 kilometrdan oshirmasdan harakatlanish har qanday ko‘ngilsiz voqeaning oldini oladi.
Yangi tahrirdagi Yo‘l harakati qoidalari joriy yil 1-maydan boshlab amalga kiritiladi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Onlayn qabulda 837 nafar fuqaroning murojaati tinglandi

Xalq qabullari odamlarni qiynab kelayotgan muammolarini bartaraf etishga, orzu...

Emlash — eng yaxshi chora

Internet tarmog‘i borki, bugun dunyoning qaysi burchagida nima sodir...

Cord Versmold Afg‘oniston fuqarolarini o‘qitish ta’lim markazida

Germaniyaning “GIZ” Xalqaro tashkiloti “Afg‘oniston fuqarolarini Tеrmiz shahriga jalb...

Investitsiya loyihalari bilan tanishildi

Ish o‘rinlari yaratilishida xizmatlar sohasi muhim tarmoq hisoblanadi. Ushbu...
KunTun
KunTun