Ona tabiat sir-u sinoatga to‘la. Yashillik, nafis gullar kishini maftun etmay qolmaydi. Siz-u biz e’tibor ham bermaydigan ba’zi gullar kashf etilmagan bo‘lishi mumkin. Qizig‘-a?
O‘zbekiston florasida Ayiqtovon turkumiga kiruvchi eng oxirgi yangi tur 1941-yil aniqlangan ekan va unga “Ranunculus vvedenskyi” deb nom berilgan. Shundan beri mana qancha vaqt o‘tib, O‘zbekiston Fanlar Akademiyasining Botanika instituti olimlari Boysun tog‘larida so‘nggi 80 yilda ilk bor Ayiqtovon turkumiga kiruvchi o‘simlikning yana bir yangi turini kashf etishdi.
Olimlar tomonidan bu turga “Ranunculus tojibaevii” deb nom berildi. Yangi o‘simlikka bag‘ishlangan maqola botanika sohasida mashhur sanalgan “PhytoKeys” jurnalida chop etilgan.
Hilol
