Tadbirkorlik qilaman deganga har qadamda daromadli rejalar tug‘iladi. Muhimi ishtiyoq bo‘lsa bas. Tadbirkor Jamshid To‘raxonov ana shunday rejalar bilan bosh qotirib o‘tirmadi, sababi mahallasida yoshlarning futbol, voleybol kabi sport turlari bilan shug‘ullanishi uchun stadion yo‘q. yetarli shart-sharoit bo‘lmagandan keyin, bekorchilikdan kishi nimalarga bosh qo‘shmaydi, qandaydir g‘avg‘olarga aralashib qolmaydi deysiz. Tadbirkor munosib yechim sifatida mini-stadion qurishni niyat qildi. Buning uchun Qumqo‘rg‘on tumani “Sherozi” mahallasida munosib yer maydoni ham ajratiladigan bo‘ldi.
Mini-stadion foydalanishga topshirilishida tuman hokimi R.Gapparov hamda yoshlar taqdiriga befarq bo‘lmagan jonkuyat insonlar ishtirok etdi. Ushbu stadion nafaqat mahalla, balki sportga ishtiyoqmand qo‘shni mahalla yoshlari uchun ham katta imkoniyatlar yaratadi. Shu kuning o‘zidayoq mahalla yoshlari uchun futbol bo‘yicha kichik turnir boshlab yuborildi.
S.Murodova
