Ta’limdagi muammolar kelajak avlod taqdirida muhim va jiddiy oqibatlar keltirib chiqarishi haqiqat. Ertasidan qayg‘uda insongina bu borada yechim izlaydi. Bu haqida baralla aytib, o‘z takliflarini ayta bilish ham qaysidir ma’noda jasorat. Prezident taʼlim muassasalari agentligi tizimidagi taʼlim muassasalari o‘quvchilari hamda jamoa aʼzolari o‘rtasida o‘tkazilgan “Uchinchi renessans – yoshlar nigohida” nomli loyihalar tanloviga yakun yasaldi. Unda “O‘zbekiston ta’limidagi muammolar hamda ularning yechim va takliflari” loyihasi bilan ishtirok etgan Termiz shahridagi Prezident maktabining bir guruh pedagoglari “Maktablarda sifatli bilim olishda o‘quvchilarning manfaatdorligini (motivatsiyasini) oshirish va rag‘batlantirish uchun o‘quv jarayoni va metodikasini o‘zgartirish yo‘llari nominatsiyasi” bo‘yicha g‘oliblikni qo‘lga kiritdilar.
H.Baxtiyorova
