Kitob oʻqimagan eshak na olimu, na dono beshak, deya bejiz aytilmagan. Kitob kishini ruhan ulgʻaytiradi. Dunyoqarashini kengaytirish barobarida insonda xotirjamlik, bagʻrikenglik, sabr-matonat kabi tuygʻularni ham rivojlantiradi. Bugun kitob oʻqish, kitobxonlikni targʻib qilish har qachongidan ham muhim vazifa sifatida qaralishi ham shundan aslida.
Bola dunyoni teranroq anglashi, ma’naviy kamolotga yetishi uchun ham oʻquv darsliklar, qoʻllanmalardan tashqari, badiiy adabiyotlarni ham oʻqishi, oʻrganishi maqsadga muvofiqdir.
Termiz shahridagi Prezident maktabida “Speech time” vaqtida 2-aprel – Xalqaro bolalar kitoblari kuni munosabati bilan tadbir oʻtkazildi.
Unda oʻquvchilar hafta davomida oʻzlari oʻqigan kitoblari haqida taassurotlari bilan oʻrtoqlashishdi. Oʻquvchilar tomonidan kitob haqida, hikmatli soʻzlar, maqollar, she’rlar aytildi va sahna koʻrinishi ijro etildi.
Termiz shahridagi Prezident maktabida har juma kuni “kitobxonlik kuni” deb e’lon qilingan va bu kabi tadbirlar muntazam oʻtkazib kelinmoqda.
Haqgo‘y
