Vatan tinchligini asrash har doim ham muqaddas burch, eng oliy vazifa. Tinchlikka rahna soluvchilar esa har doim ham uchraydi. Ana shunday damda haqiqiy bahodirlar chin farzandlik burchini ado etib, g‘animlarga qarshi kurashadi.
Angor tumanida Jizzax viloyat musiqali drama teatrining bosh rejissyori Shohrux Yoʻldoshev tomonidan sahnalashtirilgan “Bahodir” spektakli ana shunday qahramon o‘g‘lon haqida hikoya qildi.
Terrorizm va ekstremizm mavzusi orqali Vatan tinchligini asrash, uni himoya qilish yurtimizning har bir farzandi uchun muqaddas burch ekanligi asosiy gʻoya sifatida targʻib qilingan spektakl tomoshabinlar e’tiborini tortmay qo‘ymadi.
Sardor Hamroyev qalamiga mansub ushbu asar yoshlarni turli yod gʻoyalarga qarshi kurashishga va ularni mustaqil shaxsiy fikriga ega inson boʻlib ulgʻayishga undaydi.
S.Murodova
