Yaqindagina Termiz tumanidan bo‘lgan ikki karra O‘zbekiston chempioni Xo‘janazar Nortojiyev Iordaniyada yoshlar o‘rtasida o‘tkazilgan Osiyo chempionatida 1-o‘rinni egallab oltin medal sohibi bo‘lgan edi. Boks bo‘yicha O‘zbekiston milliy terma jamoasi a’zosi Dilshod Abdumurodov ham poytaxtda bo‘lib o‘tgan chempionatda Osiyo chempioni degan nomga sazovor bo‘lgan hali yodimizdan chiqqani yo‘q. Xuddi shunday sport sohasida erishgan yutuqlarimiz maqtagulik va ko‘krak kerib g‘ururlanishga arziydi. To‘g‘ri-da, O‘zbekistn sharafini himoya qilish, mahorat va kuchini ko‘rsatish sportchidan mehnat va mashaqqat talab etadi. O‘z navbatida g‘olibga qilingan e’tibor va rag‘bat uni ruhlantiradi. Keyingi musobaqalarga o‘zgacha ishtiyoq va g‘ayrat bilan tayyorlanadi.
Viloyat hokimi To‘ra Bobolov sportning boks turi bo‘yicha ana shunday yuqori natijalarga erishgan surxondaryolik sportchilarga esdalik sovg‘ali topshirib, chempionlarga va ularning oila a’zolariga minnatdorchilik bildirdi.
Ishonamiz ishonch o‘zini oqlaydi va sportchilar bundan-da yuqori marralarni zabt etadilar.
S.Normurodova
