Surxondaryo viloyatida joylashgan DXX Chegara qo‘shinlariga qarashli harbiy qismlardan birida shaxsiy tarkib uchun ma’naviy-ma’rifiy tayyorgarlik va profilaktik mashg‘ulot o‘tkazildi.
Zamonaviy texnik vositalar bilan jihozlangan ma’naviyat va ma’rifat xonasida tashkil etilgan mashg‘ulotda harbiy intizom, qonuniylikka rioya qilish va xizmat mas’uliyatini oshirish masalalariga e’tibor qaratildi. Harbiy xizmatchilarga kun tartibidagi dolzarb mavzular yuzasidan tushuntirishlar berilib, maxsus videotasvir va ma’rifiy roliklar namoyish etildi.
Shuningdek, chegarachilarning Vatan sarhadlarini qo‘riqlashdagi sharafli burchi, doimiy sergaklik va jangovar shaylikni saqlashning ahamiyati haqida fikr almashildi. Harbiy xizmatchilar o‘zlarini qiziqtirgan savollarga javob oldi.
Mashg‘ulot yakunida xizmat intizomi, hushyorlik va mas’uliyatni yanada kuchaytirish bo‘yicha zarur tavsiyalar berildi.
Islomjon Muxamadaliyev,
harbiy xizmatchi
