Davlat ijtimoiy sug‘urtasi tizimini keng joriy etish maqsadida mahallalarda proaktiv targ‘ibot ishlari olib borilmoqda. Qumqo‘rg‘on tumanining “Mirzo Ulug‘bek” mahallasida o‘tkazilgan tadbirda fuqarolarga homiladorlik, tug‘ish va kasallik nafaqalarini rasmiylashtirish tartibi batafsil tushuntirildi.
Natijalar ham ijobiy: 2026-yil 1-may holatiga tumanda 296 ta ariza qabul qilinib, 171 tasi bo‘yicha nafaqalar tayinlangan va 2 milliard so‘mdan ortiq mablag‘ to‘lab berilgan. Ayni paytda ko‘rib chiqilayotgan arizalar qolmagan.
Bu esa tizimning samarali ishlayotgani, fuqarolarga ijtimoiy himoya choralarining tez va shaffof yetib borayotganini ko‘rsatadi.
