9-may — Xotira va qadrlash kuni munosabati bilan Termiz shahridagi 18-son umumta’lim maktabida “Xotira bor ekan — millat barhayot!” shiori ostida ma’naviy-ma’rifiy tadbir o‘tkazildi. Tadbirning asosiy maqsadi yoshlar qalbida ajdodlar xotirasiga hurmat, Vatanga muhabbat va milliy qadriyatlarga sadoqat tuyg‘ularini kuchaytirishdan iborat bo‘ldi.
Bayram davomida o‘quvchilar tomonidan ijro etilgan she’rlar, kuy-qo‘shiqlar va sahna ko‘rinishlari, ayniqsa, urush yillarini aks ettirgan chiqishlar tomoshabinlarda chuqur taassurot qoldirdi. 11506-harbiy qism orkestr jamoasining ishtiroki esa tadbirga yanada ko‘tarinki ruh bag‘ishladi.
Mazkur tadbir yosh avlodni tarixiy xotira ruhida tarbiyalash, ularning qalbida Vatan ravnaqi uchun daxldorlik va faxr tuyg‘ularini shakllantirishda muhim ahamiyat kasb etdi.
Dilfuza Xaitova,
Termiz shahridagi 18-son umumta’lim maktabi o‘qituvchisi
