9-may — Xotira va qadrlash kuni munosabati bilan Janubi-g‘arbiy maxsus harbiy okrug tasarrufidagi Xayrobod garnizonida joylashgan harbiy qismda “Uch avlod uchrashuvi” tadbiri yuqori saviyada tashkil etildi. Ushbu tadbir yoshlar, faxriylar va harbiylar o‘rtasida ma’naviy bog‘liqlikni mustahkamlashga xizmat qilishi bilan ahamiyatlidir.
Tadbirda Denov tumani 2-son ixtisoslashtirilgan maktab-internati o‘quvchilari hamda urush va mehnat faxriylari ishtirok etdi. Uchrashuv davomida faxriylar hayotiy tajribalari, Vatanga sadoqat, mardlik va jasorat haqidagi xotiralarini ulashib, yosh avlodga ibrat bo‘ladigan fikrlar bildirdilar.
O‘quvchilar esa faxriylarni hurmat va ehtirom bilan qarshi olib, she’rlar, sahna ko‘rinishlari hamda kuy-qo‘shiqlar orqali o‘z minnatdorliklarini ifoda etdilar.
Umuman olganda, mazkur tadbir uch avlod vakillarini birlashtirib, yoshlar qalbida Vatanga muhabbat va ajdodlar xotirasiga hurmat tuyg‘ularini yanada mustahkamlashga xizmat qildi.
