Jarqo‘rg‘on tumani Alisher Navoiy mahallasida piyodalar uchun zamonaviy yo‘lakcha qurilish ishlari izchil davom etmoqda. Mazkur loyiha mahalla aholisi uchun qulay sharoit yaratish va eng muhimi, piyodalar xavfsizligini ta’minlashga qaratilgani bilan dolzarb ahamiyat kasb etadi.
Ayniqsa, avtomobil harakati kuchli hududlarda bolalar va kattalarning xavfsiz harakatlanishi muhim masalalardan biri hisoblanadi. Yangi yo‘lakcha bu borada ota-onalarga xotirjamlik bag‘ishlab, bolalarning maktabga borib-kelishini yanada xavfsiz qiladi.
Qurilish ishlari belgilangan me’yorlar asosida olib borilmoqda. Yo‘lakcha nafaqat piyodalar harakatini tartibga soladi, balki mahalla ko‘rkamligini ham oshirib, hududning umumiy qiyofasini yanada chiroyli qiladi.
Shuningdek, ushbu bunyodkorlik jarayonida mahalla aholisi ham faol ishtirok etib, hashar yo‘li bilan o‘z hissalarini qo‘shmoqda. Bu esa yurtimizdagi hamjihatlik va birdamlik muhitining yorqin ifodasidir.
Umuman olganda, mazkur loyiha mahallada xavfsiz va qulay muhit yaratish, aholining hayot sifatini oshirish yo‘lida muhim qadamlardan biri bo‘lib xizmat qilmoqda.
