Sariosiyo tumanida zamonaviy maktabgacha ta’lim tashkiloti tantanali ravishda foydalanishga topshirildi. Mazkur zamonaviy bog‘cha 4 milliard 800 million so‘m mablag‘ evaziga barpo etildi.
120 nafar tarbiyalanuvchiga mo‘ljallangan muassasada bolalarning har tomonlama rivojlanishi uchun barcha zarur infratuzilma yaratilgan. Xususan, keng va yorug‘ guruh xonalari, zamonaviy oshxona, musiqa zali, bolalar o‘yin maydonchalari, ochiq havoda mashg‘ulotlar o‘tkazish uchun ayvonlar hamda boshqa qulayliklar mavjud.
