Termiz temiryo‘l vokzalida umumta’lim maktablarining 11-sinf o‘quvchilari o‘rtasida o‘tkazilayotgan Asosiy olimpiadaning Respublika bosqichi ishtirokchilari tantanali kutib olindi. Turli hududlardan kelgan iqtidorli o‘quvchilar milliy an’analar asosida iliq qarshi olindi.
Ishtirokchilar uchun “Amudaryo” oromgohida madaniy dastur tashkil etilib, sumalak sayli, kuy-qo‘shiqlar va sahna chiqishlari orqali ularga maroqli hordiq taqdim etildi.
Shuningdek, Termiz shahridagi 16-maktabda olimpiadaning rasmiy ochilish marosimi bo‘lib o‘tdi. Unda vazir o‘rinbosari Farhod Boqiyev qatnashib, o‘quvchilarga omad tiladi.
Olimpiada 23–26-mart kunlari davom etib, yakunda g‘oliblar taqdirlanadi.
