Aholi bandligini ta’minlash va ularning turmush darajasini oshirish bugungi kunda ustuvor vazifalardan biri hisoblanadi. Shu maqsadda Angor tumanida kambag‘allikni qisqartirishga qaratilgan yangi tashabbuslar bosqichma-bosqich amalga oshirilmoqda.
Angor tumani hokimi Qosim Mardonov “Yangiobod” mahallasi hududida joylashgan “Eko Samo Mebel” MCHJda yangi tashkil etilishi rejalashtirilgan “Kambag‘allikdan chiqarish markazi” faoliyatini yo‘lga qo‘yish bo‘yicha olib borilayotgan ishlarni nazorat qildi. Tashrif davomida aholini kasb-hunarga o‘qitish, ularni daromadli mehnat bilan ta’minlash mexanizmlarini joriy etish masalalari muhokama qilindi.
Mas’ullar bilan bo‘lib o‘tgan suhbatda markaz faoliyatini samarali tashkil etish, o‘qitish yo‘nalishlarini hudud ehtiyojlaridan kelib chiqib belgilash hamda yangi ish o‘rinlari yaratish bo‘yicha aniq topshiriqlar berildi.
