Termiz tumanidagi yana beshta mahallada “Taraqqiyot va yetakchilik maskani” dasturi bosqichma-bosqich amalga oshirilmoqda. Dastur doirasida M-41 avtomagistral yo‘li bo‘yida joylashgan xonadonlarni zamonaviy shaharsozlik qiyofasiga keltirish, shuningdek, ijtimoiy himoyaga muhtoj oilalarni qo‘llab-quvvatlash bo‘yicha aniq vazifalar belgilanib, viloyat va tuman tashkilotlariga tegishli xonadonlar biriktirilgan.
Termiz tumani hokimi Shuxrat Qalandarov tuman hokimligiga biriktirilgan, ijtimoiy himoyaga muhtoj oilalar yashab kelayotgan xonadonlarda olib borilayotgan ta’mirlash ishlari holatini joyida o‘rgandi. Tuman rahbari xonadon sohibi bo‘lgan onaxon bilan samimiy suhbatlashib, amalga oshirilayotgan ishlar natijasida turar joy sharoitlari yanada yaxshilanishini ta’kidladi.
