2026/2027-o‘quv yilidan boshlab texnikumlarda dual ta’lim asosida tahsil olayotgan o‘quvchilarga stipendiya to‘lash tizimi joriy etiladi. Unga ko‘ra, barcha o‘quvchilarga o‘zlashtirish darajasidan qat’i nazar bazaviy hisoblash miqdorining 1 baravari miqdorida stipendiya beriladi. O‘zlashtirish ko‘rsatkichi 85 foizdan yuqori bo‘lgan hamda respublika va xalqaro tanlovlar g‘olibi bo‘lgan o‘quvchilarga esa stipendiya miqdori bazaviy hisoblash miqdorining 3 baravarigacha yetadi.
Shuningdek, xalqaro ta’lim asosida kadrlar tayyorlash kengaytirilib, O‘zbekistonda 20 ta texnikumda O‘zbekiston–Xitoy ustaxonalari tashkil etiladi. Germaniya, Shveytsariya, Xitoy, Koreya va Buyuk Britaniya ta’lim dasturlari asosida 8 ming nafar o‘quvchini qamrab olish rejalashtirilgan.
