Termiz tumani hokimligida O‘zbekiston Respublikasi Prezidenti Shavkat Mirziyoyevning Oliy Majlis va xalqga Murojaatnomasi hamda mamlakat mudofaasini mustahkamlash mavzusida ma’rifiy uchrashuv bo‘lib o‘tdi.
Tadbirda tuman hokimi o‘rinbosarlari, mahalla va yoshlar faollari, harbiy xizmatni o‘tagan yoshlar hamda “Ma’rifat” targ‘ibotchilar jamiyati a’zolari ishtirok etdi.
Uchrashuvda videoroliklar namoyish qilinib, yoshlarni Vatanga sadoqat va harbiy-vatanparvarlik ruhida tarbiyalash, “Mahalla yettiligi”ning 2026-yil ustuvor vazifalari, shuningdek, “O‘zbekiston – 2030” strategiyasining maqsadlari va samaradorlik ko‘rsatkichlari haqida tushuntirishlar berildi.
